بھارت دا علاقائی صورتحال خراب کرنا باعث تشویش اے: ترجمان دفتر خارجہ

اسلام آباد: ترجمان دفتر خارجہ آکھیا اے بھارت ولوں علاقائی صورتحال خراب کرنا باعث تشویش اے، دلی دے عوام نے مودی دی پالیسیاں نوں رد کیتا۔

ترک صدر طیب اردوان پاکستان دا 2روزہ دورہ کر رہے نیں، ترکی نے ہمیشہ کشمیریاں دے حق خود ارادیت دی حمایت کیتی۔

دفتر خارجہ دی ترجمان عائشہ فاروقی نے پریس بریفنگ دے دوران آکھیا اے بی جے پی نے دلی انتخابات دے دوران پاکستان تے الزامات لائے حالاں جے آپ دلی دے عوام نے مودی سرکار دی پالیسیاں نوں رد کیتا۔

ایس طرح دے الزامات نال بھارت خطے وچ صورتحال خراب کرنا چاہندا اے جو باعث تشویش اے۔

ترجمان دا کہنا سی مقبوضہ کشمیر دنیا دی سب توں وڈی جیل وچ تبدیل ہو چکیا، پاکستان نے بھارتی اشتعال انگیزی تے شدید احتجاج کیتا۔

اوہناں آکھیا ایف اے ٹی ایف دی گرے لسٹ توں ناں کڈھن لئی پرامید آں ایس معاملے تے دوست ممالک مدد کرن گے۔