20روپے یونٹ بجلی دے بل نال انڈسٹری نہیں چل سکدی: اپٹما

آل پاکستان ٹیکسٹائل ملز ایسوسی ایشن (اپٹما) نے خبردار کیتا اے ٹیکسٹائل صنعتاں نوں سارے سرچارجز سنے بجلی دے بل ادا کرنا پئے تے پنجاب دی لئی ملاں بند ہو جان گیاں۔

برآمدی ٹیکسٹائل صنعتاں نوں سرچارجز سنے بجلی دے بل ملن تے اپٹما نے اک بیان جاری کیتا جہدے وچ آکھیا گیا اے لیسکو نے ٹیکسٹائل صنعتاں نوں سارے سرچارجز لاگو کرکے بجلی دے بل گھل دتے تے ایس طرح ٹیکسٹائل ملاں نوں بجلی 20روپے فی یونٹ وچ پوے گی۔

بیان وچ ہور آکھیا گیا اے قموی اسمبلی دی قائمہ کمیٹی نے بجلی دے بلاں تے لاگو سرچارج وصول کرن توں روک دتا سی، قائمہ کمیٹی نے سرچارج دا معاملہ اقتصادی رابطہ کمیٹی نوں گھلن دا آکھیا سی، وزیراعظم نے وی جنوری 2019وچ سرچارجز ختم کر دتے سن پر بیورو کریسی وزیراعظم دے فیصلیاں تے عمل نہیں کر رہی، حکومت نوں نکام بنایا جا رہیا اے۔