میئر کراچی وسیم اختر نے ذوالفقار آباد آئل ٹرمینل وچ دکاناں دی تعمیر دا نیہہ پتھر رکھ دتا

کراچی: میئر کراچی وسیم اختر نے ذوالفقار آباد آئل ٹرمینل وچ دکاناں دی تعمیر لئی نیہہ پتھر رکھ دتا۔ تقریب وچ شدید بدنظمی، دکاندار گتھم گتھا ہو گئے۔

میئر کراچی وسیم اختر دے نیہہ پتھر تقریب وچ اپڑن دے بعد دکانداراں تے آئل ٹینکر ڈرائیوراں نے احتجاج شروع کر دتا۔

ڈرائیورز آپس وچ ای لڑ پئے تے گل ہاتھا پائی تک اپڑ گئی۔ دکانداراں نے کے ایم سی تے میئر وسیم اختر دے خلاف نعرے بازی وی کیتی، اوہناں نے مطالبہ کیتا کہ مالکانہ حقوق دے نال دکاناں دتیاں جان پر کجھ دیر بعد تقریب نال خطاب کردیاں وسیم اختر آکھیا ٹرمینل وچ 1521دکاناں تعمیر کیتیاں جان گیاں۔

پہلے مرحلے وچ 918دکانداراں نوں قرعی اندازی دے راہیں الاٹمنٹ کردتی گئی۔ 427دکانداراں نوں جہناں نے چالان جمع کیتے اج پوزیشن دے دتی گئی۔

میئر نے ہور آکھیا سپریم کورٹ دے احکامات تے عملدرآمد کر رہے آں۔ وفاقی حکومت ولوں آرٹیکل 140اے تے عملدرآمد لئی کورٹ نال رجوع کیتا جا رہیا اے۔

بلدیاتی اختیارات لئی ایم کیو ایم نے وفاقی حکومت نوں سپورٹ دا مطالبہ نہیں کیتا سی۔