اٹھو جاگو نکلو سجنو
یونس بھٹی
اٹھو جاگو نکلو سجنو
لٹ نہ جایے سارے فیر
ہن وی جے نہ نکلے حق لئی
مترو ہو جانی جے دیر
اکھیں تک لئو کٹھے ہو گئے
ڈاکو چور لٹیرے سبھ
ساڈا چانن کھسن ٹر پئے
رل کے گھپ انھیرے سبھ
چوراں سانوں لے جانا جے
مٹھیو فیر تباہی ول
نسلاں دی بربادی جے ایہ
پلے بنھ لئو میری گل
جے نہ جاگے صدیاں تیکر
چوراں ہتھ مہار جے رہنی
لمے چر تک ساڈی سبھ دی
لٹدی چیت بہار جے رہنی
میری بنھے ہتھاں نال
سبھ دے اگے اک عرضو
رب دا ناں جے اکھیں کھولو
جاوو خیر دے نال کھلو
