اگر اسیں غداری کیتی تے آرمی چیف تے ڈی جی آئی ایس آئی ثبوت قوم دے ساہمنے لیان،شہبازشریف

اسلام آباد(پنجابی میڈیا گروپ)پاکستان مسلم لیگ(ن)دے صدرشہباز شریف نے آکھااے کہ میں آرمی چیف جنرل باجوہ تے ڈی جی آئی ایس آئی نال مطالبہ کرداہاں کہ اگراسیں غداری کیتی اے تے ثبوت قوم دے ساہمنے لیان،عدالت دے ساہمنے ایہ ثبوت لیان،نگراں سیٹ اپ لئی عارف علوی دا کوئی خط نہیں ملیا،عارف علوی تے عمران نیازی آئین شکنی دے مرتکب نیں،پہلاں ایس دافیصلہ ہوئے گا باقی گلاں بعد وچ ہون گیاں۔میڈیا نال گل بات کردیاںہویاں اوہناں نے آکھیاکہ اسیں سبھ عدلیہ دااحترام کردے ہاں،ڈپٹی سپیکر نے آئین دی خلاف ورزی کیتی اے،صدر تے وزیراعظم نے وی آئین نوں توڑیا اے،صدر نے اپنا دماغ استعمال کیتیوں بغیر فیصلہ کرلیااے