اسیں چوراں تے ڈاکوواں دے خلاف آخری ساہواں تک لڑاں گے،شیخ رشید

اسلام آباد(پنجابی میڈیا گروپ)وفاقی وزیر داخلہ شیخ رشید نے آکھیا اے کہ ساہنوں اک زبان ہو کے مستعفی ہوجانا چاہیدا اے،باہر نکل کے قوم نوں دسنا چاہیدا اے کہ اوہناں دے اصل چہرے کیہ نیں،اگر کوئی ایہ سمجھ رہیا اے کہ اسیں ہتھیارسُٹن جارہے ہاں تے نہیں جناب،اسیں اینہاں چوراں تے ڈاکوواں دے خلاف آخری ساہ تک لڑاں گے۔ میڈیا نال گل بات کردیاں ہویاں شیخ رشید نے آکھیا کہ اگر کوئی ایہ سمجھ رہیا اے کہ اسیں ہتھیار سُٹن جارہے ہاں تے نہیں جناب،اسیں اینہاں چوراں تے ڈاکوواں دے خلاف آخری ساہ تک لڑاں گے۔اوہناں نے آکھیا کہ میں عمران خان صاحب نوں کہہ چکیا ہاں،اجے وی آکھاں گا کہ آخری آپشن ساڈے کول ایہ اے کہ اسیں استعفیٰ دے دیئے کیونکہ اینہاں چوراں توں ملک نہیں چل سکدا۔شیخ رشید نے آکھیا کہ غیر ملکی طاقتاں جیہڑیان ساڈی آزادی تے خود مختاری سلب کرکے اپنی سوچ مسلط کرنا چاہندیاں نیں انشااللہ اوہناں نوں شکست ہوئے گی۔