قومی اسمبلی دےکل سویر والے اجلاس لئی6 نکاتی ایجنڈا جاری

اسلام آباد(پنجابی میڈیا گروپ)قومی اسمبلی دے کل صبح ہون والے اجلاس لئی 6 نکاتی ایجنڈا جاری کر دتا گیا۔قومی اسمبلی اجلاس وچ وزیر اعظم عمران خان دے خلاف تحریک عدم اعتماد تے ووٹنگ ایجنڈے دا حصہ اے۔ وسیلیاں موجب اپوزیشن نے سپلیمنٹری ایجنڈا وی شامل کرن دا فیصلہ کیتا اے ،سپیکر اسد قیصر نال ملاقات وچ سپلیمنٹری ایجنڈے نوں کاروائی دا حصہ بنان دا آکھیا جائے گا، سپلیمنٹری ایجنڈے دے تحت نویں وزیراعظم دا انتخاب ایسے اجلاس وچ ہوویگا۔چیتے رہوے کہ سپریم کورٹ نے گذشتہ روز ڈپٹی سپیکر قومی اسمبلی قاسم سوری دی رولنگ نوں کالعدم قرار دیندیاں ہویاں اسمبلی تحلیل کرن دے فیصلے نوں غیر آئینی قرار دتاسی ۔ عدالت عظمی نے حکم دتا کہ 9 اپریل نوں دن ساڈھے 10 وجے قومی اسمبلی دا اجلاس بلایا جائے، اجلاس وچ ارکان عدم اعتماد تے ووٹ کاسٹ کر سکن گے، آرٹیکل 63 دے نفاذ تے عدالتی فیصلہ اثر انداز نہیں ہوویگا، عدالتی احکامات تے فوری عملدرآمد کیتا جائے، عدم اعتماد کامیاب ہووے تے نواں وزیر اعظم منتخب کیتا جائے۔

اپنا تبصرہ گھلو