غزل
اقتدارجاوید
اگلے مُکدے جاون پچھلے آپ اگانہہ ہو جاون
گاٹے لہہ جاون لوکاں دے لوک فناہ ہو جاون
ہک ہک کر کے پھڑدا جاواں عشا توں فجری تائیں
رات دے ڈونگھے کھوہ چوں سُفنے ہور اتانہہ ہو جاون
تیرا روپ نکلواں مارے روشنیاں دے چھٹے
توں آویں تے موت توں بھارے سوکھے ساہ ہو جاون
دھوتا پتر گلا تلا چیر دماغ نوں دیوے
مینہ ورھدے وچ واء جے گھلے خیال گناہ ہو جاون
ساڈیاں اکھیاں نال جے تکے اتے تھلے کوئی
ٹانگو دیوے جھلیاں وانگوں کھلیاں بانہہ ہو جاون
ساڈے ورگے اپنا سایہ تک تک وڈے ہوون
پرچھاویں توں وڈے بندے آپ پچھانہہ ہو جاون
ہور تن چار مہینیاں مگروں ماں ممتا ہو جاندی
ہاسے ہاسے وچ کڑی نوں چھ ست مانہہ ہو جاون
