سانوں عمران خان توں حب الوطنی دا سرٹیفکیٹ لین دی لوڑ نہیں: خواجہ آصف

اسلام آباد: پاکستان مسلم لیگ (ن) دے رکن اسمبلی خواجہ آصف آکھیا اے سانوں عمران خان توں حب الوطنی دا سرٹیفکیٹ لین دی لوڑ نہیں اے۔ سوشل میڈیا تے وی قدغن لائی جا رہی اے۔

قومی اسمبلی اجلاس دے باہر میدیا نال گل کردیاں خواجہ آصف دا کہنا سی وزیراعظم عمران خان آپ کیہ کردے رہے تے ہن کیویں دے بیانات دے رہے نیں، اوہناں نے 126دن دا دھرنا دتا جد کہ مولانا فضل الرحمان نے دس بارہ دن دا دھرنا دتا جہڑا پرامن سی۔

خواجہ آصف آکھیا عمران خان ایس ریاست دے نال کیہ کرنا چاہندے نیں؟ ایہ حکومت آوازاں بند کرے گی تے پتہ نہیں کیہ کیہ ہووے گا؟ حکومت دی صفاں وچ سارے لٹیرے بیٹھے نیں۔ اجہے راستے نہ اپناؤ جہڑے تباہی ول جاندے نیں۔