’’رب ہر تھاں ہے بوہڑ دا‘‘
عاصم بخاری
اپنی سوچ مطابق بندیاں رب دی شکل بنائی
کدی موسیٰ نوں طور تے اوہدی دتی واج سنائی
کدی یار نوں اپنے آن کے خواب اچ شکل دکھائی
کدی ٹیسی اک پہاڑ تے اوہنے زمزم نہر وگائی
کدی پُتر رکھ زمین تے اوہنے پیو توں چھری چلوائی
کدی عیسیٰ کولوں آپ ہی وچ مردے جان پوائی
کدی آن حرا وچ اس نے احمد نوں حمد پڑھائی
کدی ہو کے فاتح بدر اچ اوہدی دتی نصر دکھائی
کدی پتھر بنھ کے پیٹ تے ہتھیں خندق کھدوائی
اپنی سوچ مطابق بندیاں رب دی شکل بنائی
