غزل
حیدرعلی حیدر
لوکاں میرا ہر اوہ لکھیا اکھر الٹا پڑھیا
جہنوں رب دے ساہنویں صدیاں پہلاں سدھا پڑھیا
میرے اندروں محبت دے اثرات مرتب ہوئے
اج میں کوئی کتاب پڑھی نہیں بس اک بندہ پڑھیا
پہلی واری مینوں نیندر آئی ورھیاں بعدوں
پہلی واری میری اکھ نے تیرا سُفنا پڑھیا
بھلیا لوکا! میں کیوں ڈھینگراں اتے آٹا ویٹاں
اوہو میرے شعر نوں سمجھے جہڑا چوکھا پڑھیا
چار چفیرے مینوں رب دے درشن ہوئے حیدر
دھرتی دے وچکار کھلو کے جسلے نقشہ پڑھیا
