غزل
محمد صابر
میں اگاں دی من نہیں سکدا رل نہیں سکدا میں
میں برفاں دا بنیاں ہویاں بھل نہیں سکدا میں
میرے اس دریا دے اندر چن گھولے نیں کس؟
ہن چمکیلے پانی دے وچ گھل نہیں سکدا میں
میرے متھے لا ون بھاویں جہڑا وی الزام
تیرے شہر دے لوکاں کولوں ہل نہیں سکدا میں
سرگیں دا ہک تارا آ کے مینوں روز پھرولے
پر گلاں دا بدھا ہویا کھل نہیں سکدا میں
میری تے اس جگ تے ہے سی اک بندے نوں لوڑ
ہور کسے دی اکھ دے وچوں ڈھل نہیں سکدا میں
تولہ ہواں ماشہ ہواں جہڑا وی آں میں
گلاں پچھے لگ نہیں سکدا تل نہیں سکدا میں
