گیت
بھپندرپنیوالیا
سجنا وے سجنا کدی تاں گیڑا مار سجنا۔
لے جا وے کدی تاں مویاں دی سار سجنا۔
پہلاں سدا ساڈے نیڑے نیڑے رہندا سی
عُمراں دے ساتھ دِیاں گلاں توں کہندا سی
ہُن گیا کہڑی گلوں توں وِسار سجنا۔
لے جا وے کدی تاں مویاں دی سار سجنا۔
عُمراں توں لمبی رات لنگھے نہ لنگھائی،
سبھ کُجھ سہہ لواں جھلی جاوے نہ جُدائی
سانوں بڑا ہی رُوآئے تیرا پیار سجنا۔
لے جا کدی تاں مویاں دی سار سجنا۔
رُتاں کئی بدل گئیاں تینوں اُڈیک کے
تھک گئی ہاں ہُن اؤنسیاں اُلیک کے
زندگی نہ کِدھرے جاواں میں ہار سجنا۔
لے جا کدی تاں مویاں دی سار سجنا۔
یاد تیری رہے ساڈے کولے ہر پل وے
جُدائی تیری پاوے ساڈے سینے وِچ سل وے
بھُل گیا سانوں ہار تے سِنگار سجنا
لے جا کدی تاں مویاں دی سار سجنا
