نبیؐ دی لاج ہے زینب ؑ
علی احمد گجراتی
نبیؐ دی لاج ہے نالے نبوت دی بقا زینبؑ
علیؑ مشکل کشا دی لاڈلی مشکل کشا زینبؑ
یزیدی دور نوں اِسراں فنا کیتا ہے بی بیؑ نیں
زمانے دی جبین اُتے لِکھا رہسی سدا زینبؑ
حسینؑ ابن علیؑ کیتی تلاوت نوکِ نیزہ تے
قیداں وِچ رہی کر دی خدا ونددی ثنا زینبؑ
ایدی عظمت دے چرچے نیں خدا دے عرش دے اُتے
زمانے تے بنی لوگو صداقت دی صدا زینبؑ
علیؑ دے لال سی جیہڑے جلائے کربلا اندر
بچا گئی ہے اُنہاں سارے چراغاں دی ضیاء زینبؑ
