کراچی یونیورسٹی اندر غیر ملکی استاداں دی وین وچ دھماکا،5افراد جاں بحق

کراچی(پنجابی میڈیا گروپ)جامعہ کراچی وچ غیر ملکی استاداں دی وین وچ دھماکے پاروں5افراد جاں بحق جد کہ کئی زخمی ہوگئے ۔تفصیل دے مطابق جامعہ کراچی کامرس ڈپارٹمنٹ دے ساہمنے گڈی وچ دھماکا ہویا جس پاروں5افراد جاں بحق ہو گئے ۔گڈی تے موٹر سائیکل وچ اگ لگ گئی، دھماکے پاروںکامرس ڈپارٹمنٹ دے شیشے وہ ٹُٹ گئے۔دھماکا وین وچ ہویا، دھماکے دی نوعیت معلوم نہیں ہوسکی۔جاں بحق تے زخمی ہون والیاں نوں اسپتال منتقل کردتا گیا،جاں بحق افراد دی شناخت نہیں ہوسکی۔عینی شاہدین دا کہنا اے کہ یونیورسٹی استاداں دی گڈی نال دُوجی گڈی ٹکرائی جس دے بعد دھماکہ ہوگیا۔