غزل

یعقوب پرواز

لوکی بھکھ دا رونا روندے حاکم گاندے گانے نیں
اوہناں تے آپے بھنگڑے پانے جنہاں دی کوٹھی نے دانے
ملاں والے لیڈر بن گئے بیٹھے وچ اسمبلی دے
بھکھ دا دکھ اوہ کیہ جانن جہڑے کھاندے ست رنگے کھانے نیں
اپنے بندے مار کے جنہاں لئے امریکی ڈالر جے
اوہناں اکھ اُتانہہ کیہ چکنی اوہ امریکا دے کانے نیں
لوکاںدے بچے جہاد تے ٹورن تے اپنے بھیجن یورپ نوں
میرے دیسدے سب ملوانے ہیگے بہت سیانے نیں
بے جر میں ایتھے جیل وچ جاندے مجرم پھرن آزاد
غریب بندے دی چمڑی لاہندے کورٹ کچہریاں تھانے نیں
راہ انصاف دی تک تک عارف ہو گئے آں اسیں بڈھے
سکھ دا ساہ جد ملے گا سانوں اوہ دن خورے کد آنے نیں