’’چیتر نعتاں دا‘‘

علی احمد گجراتی

سوچاں دے وچ ہَر دَم چَھلکے نوری ساغر نعتاں دا
ساہنواں دی ہر شاخ تے لیکے ساوا پَتر نعتاں دا
ایہدے پاروں عالم اندر ُرت خزاں دی آئو ندی نہیں
نگری نگری محفل محفل ہَسدا ’’چیتر نعتاں دا‘‘
پاک علی ؑ دا اِک اِک لمحہ نعت نبی ؐدی بن دا اے
پاک بتول ؑ نے عمر گزاری پا کے زیور نعتاں دا
آقاؐدی جو سِیرت کولوں سوچ غذاواں پاندی اے
ایسی سوچ تے اللہ وَ لّوں کُھلدا اے دَر نعتاں دا
وِچ قرآن لبا دے ٹردے دھرتی تے حسنینؑ سخی
اِسراں لگدا عرشاں اُتے چمکے اختر نعتاں دا
اپنی اپنی بولی اندر ہر شے نعتاں پڑھدی اے
اِس کونین دا ذرّہ ذرّہ بنیا شاعر نعتاں دا
راتی خاب اِ چ جنت اندر جِسلے جھاتی پائی میں
اپنے پورے جوبن تے سی نوری منظر نعتاں دا
پاک نبی ؐ دی سِیرت چمکے ہر اِک پاک صحابی ؓچوں
ہر اِک پاک صحابی ؓ جگ تے بنیا پیکر نعتاں دا
عرشاں دِی میں چھاویں بہ کے نعت نبیؐ دی کہنی ایں
میرے حصّے آوے احمد ؔ اِسراں لنگر نعتاں دا