پِلاک تے پاکستان کیلی گراف آرٹسٹس گلڈ دی سانجھ نال رمضان المبارک دی مناست نال خطاطی دی نمائش
رپورٹ: آفاق
پنجاب انسٹیٹیوٹ آف لینگوئج آرٹ اینڈ کلچر‘ محکمہ اطلاعات تے ثقافت پنجاب تے پاکستان کیلی گراف آرٹسٹس گلڈ دے اشتراک نال رمضان المبارک دی مناسبت نال نمائشی خطاطی دا انعقاد کیتا گیا جہدا افتتاح جنرل (ر) ہمایوں خان بنگش نے کیتا۔
ایہہ نمائش 29اپریل 2022تک جاری رہوے گی۔ ایس نمائش وچ پاکستان بھر توں تعلق رکھن والے آرٹسٹاں دے فن پارے نمائش لئی رکھے گئے نیں ۔ جہناں وچ واجد یاقوت‘ ہمایوں خان بنگش‘ عرفان قریشی‘ عبدالمصد‘ منیب قریشی‘ حمیداللہ حنفی‘ حامد زبیر‘ سلمان‘ عصمت اللہ سعیدی‘ جمیل حسن‘ عامر کمال‘ عبدالجمیل، راشد سیال، خالد محمود صدیقی، سعید احمد ناز، ذوالفقار علی زلفی، شفیق فاروقی، صائمہ نور، طاہرہ، معصومہ بلال، ابراہیم، زین، انور خان، شوکت علی منہاس، عثمان غنی، غلام مرتضیٰ، طلعت محفوظ بٹ، عارف خان، نمرہ تے مریم راجہ دے نام شامل نیں۔
ایس موقع تے ڈائریکٹر جنرل پلاک ڈاکٹر صغر اصدف نے آکھیا کہ رمضان المبارک تے قرآن مجید دا آپس وچ گہرا تعلق اے۔ ایسے مبارک مہینے وچ ایہہ کتاب ہدایت نازل ہوئی۔ نمائش وچ رکھے فن پارے ویکھ کے روح نوں تازگی تے سرشاری محسوس ہوئی۔ ساڈی نوجوان نسل دا خطاطی ول راغب ہونا خوش آئند اے۔ کیلی گراف گلڈ دے کارکنان مبارکباد دے مستحق نیں۔ اوہ نہایت خلوص‘ جذبے تے ذمے واری نال ایس مقدس فریضے نوں سرانجام دے رہے نیں۔ جنرل (ر) ہمایوں بنگش تے عرفان قریشی نے نمائش دے انعقاد اتے ادارے دی انتظامیہ دا تہہ دل توں شکریہ ادا کیتا تے فن و ثقافت دے فروغ دے حوالے نال پلاک دی کاوشاں نوں بے حد سراہیا۔
