غزل
نعت شریف
ڈانواں ڈول نہ ہووے نعلین نوں چمن والا
ہسدا کدے نہ رووے نعلین نوں چمن والا
غیر سہارے چھڈے مُک جاون سارے پھڈے
پیریں آپ کھلووے نعلین نوں چمن والا
سر رکھ کے سجدے وچ پیا خیراں سب دیاں منگے
موتی پیار پرودے نعلین نوں چمن والا
فر عشق ودھاون لئی دل دے کھیتر اندر
بی عشق دا بووے نعلین نوں چمن والا
دنیا تے ہی ویکھے سب منظر جنتاں والے
مزے بہشتی چھووے نعلین نوں چمن والا
خوف دے سارے پہرے لاہ دتے جان نظامیؔ
کدے وی رنج نہ ہووے نعلین نوں چمن والا
