طاہر وزیر آبادی دی رسم قُل دا اکٹھ

قلم کار اپنے قلم نال مثبت سوچ نوں لفظاں دی شکل وچ ڈھال کے معاشرے دے اصلاحی پہلوواں نوں اجاگر کردا اے۔ معاشرتی اصلاحی لکھتاں ای قلمکار دا سرمایہ حیات ہوندیاں نیں۔ قلمکار طاہر وزیر آبادی مرحوم دیاں لکھتاں ہمیشہ لئی امر رہن گیاں۔ ادبی دنیا وچ طاہر وزیر آبادی مرحوم زندہ و جاوید رہن گے۔ ایہناں خیالات دا اظہار ممتاز عالم دین پروفیسر ڈاکٹر محمد آصف ہزاروی نے شاعر و ادیب، کالم نگار تے سینئر صحافی استاد طاہر وزیر آباد مرحوم دی ایصال ثواب دی محفل نال خطاب کردیاں کیتا۔ایس موقع تے مدثر اقبال بٹ ،علامہ ذیشان ظہیر ،صدر پریس کلب افتخار احمد بٹ ،مہر خالد مجید ،چیئرمین سوہدرہ پریس کلب نجیب اللہ ملک،قاری سعید احمد ارشد، محمد افضل ،محمد اصغر،قاری محمد اقبال نے وی خطاب کیتا۔ایس موقع تے سابق وائس چیئرمین بلدیہ میاں محمد اکرم پہلوان ، محمد اشرف نثار ،سیف اللہ بٹ ،ڈاکٹر سید رضا سلطان ،ندیم اللہ والے ،مہر فیاض فیضی ،بدر بٹ ،عمر رضا ،محمد ایوب رحمانی ،شہباز بخاری،ندیم لک،نعیم قیصر نجمی سمیت معززین علاقہ نے چوکھی تعداد وچ رلت کیتی۔ مقررین آکھیا طاہر وزیرآبادی مرحوم قول وفعل دے سچے بندے سن اوہ ظالم دے ساہمنے ہمیشہ مظلوم دے حق لئی ڈٹ گئے۔ حق وسچ دے جھنڈے دی سربلندی وچ حیاتی گزاری۔ طاہر وزیرآبادی اک سچے عاشق رسول ؐ سن اوہناں دی ادبی لکھتاں تے نعتیہ کلام توں اصلاحی اسلامی تعلیمات عیاں ہوندیاں نیں۔