فضل الرحمان نے مینوں تے عمران خان نوں قتل دی براہ راست دھمکی دِتی اے،شیخ رشید

پشور(پنجابی میڈیاگروپ)سابق وزیر داخلہ تے عوامی مسلم لیگ دے سربراہ شیخ رشید ہوراں آکھیاکہ پچھلے دِناں مولانا فضل الرحمان نے اپنی تقریر وِچ مینوں تے عمران خان نوں براہ راست قتل دِی دھمکی دِتی اے۔پشوروِچ اپنے ویڈیو بیان وِچ سابق وفاقی وزیر تے عوامی مسلم لیگ دے سربراہ شیخ رشید دا کہنا سی کہ اج پنجاب پلس وَلوں پنجاب اسمبلی دے گیٹ بند کیتے گئے ایہ پہلی قسط اے،اجے دُوجی قسط آنی باقی اے،تے جیہڑا چور سمجھدے نیں کہ ایف آئی اے وِچ اپنا پراسیکیوٹر لا کر شہبازشریف تے حمزہ اُتے فرد جرم عائد نہیں ہون دیاں گے ایہ اوہناں دِی بُھل اے،تھوڑے دن انتظار کرن31مئی تک اہم فیصلے آن والے نیں۔شیخ رشید دا کہنا سی کہ میںمارگلہ تھانہ وِچ22بندیاں دے اُجرتی قتل دے خلاف درخواست جمع کرادِتی اے،ایہ مینوںقتل کروانا چاہندااے،تے ملک وِچ انتشار چاہندااے،لندن توں نوید نامی نوجوان نے22افراد دے قتل دے خلاف بیان دِتا اے اسیں اوس نوں وی بلا رہے ہاں تے اوس نوں وی تحقیقات دا حصہ بناواں گے،پاکستان دی فوج عظیم جانباز تے جانثاراے اوہ اپنے لوکاں اُتے گولی نہیں چلائے گی تشدد نہیں کرے گی۔