پاکستان دا کروز میزائل ‘رعد 2’ دا کامیاب تجربہ

راولپنڈی: پاکستان نے کروز میزائل ‘رعد 2’ دا کامیاب تجربہ کیتا اے۔ آئی ایس پی آر ولوں جاری بیان دے مطابق پاکستان نے کروز میزائل ‘رعد 2’ دا کامیاب تجربہ کیتا اے، میزائل وچ جدید ترین گائیڈنس تے نیوی گیشن سسٹم نصب اے تے ایہ 600کلومیٹر تک دے فاصلے تے زمین تے سمندر وچ اپنے ہدف نوں آسانی نال نشانہ بنا سکدا اے۔

‘رعد 2’ دے تجربے دے موقع تے ڈی جی ایس پی ڈی لیفٹیننٹ جنرل ندیم ذکی وی موجود سن۔ کروز میزائل دے کامیاب تجربے تے اوہناں نے سائنسداناں تے انجینئرز دی کاوشاں نوں سراہیا۔ صدر مملکت عارف علوی، وزیراعظم عمران خان تے چیئرمین جوائنٹ چیف آف سٹاف کمیٹی نے وی مبارکباد دتی اے۔