غزل
میں تے آکھاں ڈنکے دے چوٹ
کوئی نہ پاوے ایہناں نوں ووٹ
دوروں جاپن پاسے دا سونا
وچ ہے ساری کھوٹ ای کھوٹ
چوراں پائی پلس دی وردی
ڈاکوئواں پائے کالے کوٹ
لیڈر لوٹے بن جاندے نیں
جہڑے پاسے توں لبھن نوٹ
قانون تے سب تے لاگو ہندا
صدر نوں کہڑی گلوں چھوٹ
سانوں کھیرو کھیرو کیتا
ساڈے وچ پوا کے پھوٹ
غریب دی ہر تھاں بھیڑی حالت
کیہ سرگودھا تے کیہ چنیوٹ
یا پروہنا منشی بن کے
شعراں دے وچ لکھے رپورٹ
