تیز گام آتشزدگی، فرانزک رپورٹ آگئی، بوگی نمبر 10،11وچ سلنڈراں توں گیس لیکیج ثابت

لہور: پنجاب فرانزک سائنس ایجنسی لہور دی 1ورقیاں تے مشتمل رپورٹ وچ انکشاف کیتا گیا اے بوگی 10تے 11وچ سلنڈراں توں گیس لیکیج ثابت ہوندی اے پر اگ دی شروعات اوتھے کسے وی ٹھوس آتشگیر مادے توں پہلاں لگ چکی سی۔

رپورٹ توں ہٹ کے ماہرین دا کہنا اے ایہ اگ کسے بندے دے اوتھے ماچس دی تیلی بالن یاں سگریٹ لان دا نتیجہ وی ہو سکدی اے۔

رپورٹ وچ بوگیاں دے ملبے توں پٹرول، مٹی دے تیل یاں کسے دوجے مائع آتشگیر مادے دی موجودگی دے شواہد نہیں ملے جد کہ بوگی نمبر 11وچ سلنڈراں دی گیس بالن دا ثبوت سلفر دے ذرات نے ثابت کر دتا اے۔

فنی لحاظ نال وزیر ریلوے شیخ رشید دا سلنڈر پھٹن نال آتشزدگی شروع ہون دا موقف تے شارٹ سرکٹنگ بارے دوست لغاری دی رپورٹ وی مشکوک ہو گئی اے کیوں جے بوگی 10تے 11وچکار پائیدان تے بنے عارضی کچن دے علاوہ وی اگ بالن دے شواہد ساہمنے آ چکے نیں۔