کیماڑی وچ 14موتاں سویابین ڈسٹ نال ہوئیاں، کمشنر نے رپورٹ وزیراعلیٰ نوں گھل دتی

کراچی: کراچی وچ زہریلی گیس نال 14موتاں دا معمہ حل نہ ہو سکیا، وزیراعلیٰ سندھ نوں گھلی گئی رپورٹ وچ موتاں دی وجہ سویابین ڈسٹ نوں قرار دے دتا گیا۔

کیماڑی وچ زہریلی گیس نال موتاں دی وجہ دا ٹھیک تعین نہ ہو سکیا، رپورٹ وچ سویابین دے کنٹینر یاں جہاز نوں پورٹ توں دور رکھن دی ہدایت وی کیتی گئی اے۔

جناح سندھ میڈیکل یونیورسٹی دے وائس چانسلر پروفیسر طارق رفیع نے سویا بین ڈسٹ نال موتاں نوں خارج از امکان قرار دے دتا۔ اودھر قرنطینہ ڈیپارٹمنٹ نے امریکی سویابین نوں محفوظ قرار دتا اے۔

ڈائریکٹر جنرل پلانٹ پروٹیکشن فلک ناز دا کہنا اے امریکا توں درآمد سویابین تے آف لوڈنگ توں پہلاں کیڑے مار دواواں دا سپرے نہیں کیتا گیا۔

شپ ایجنٹس ایسوسی ایشن نے وی سویابین نال لدے جہاز وچ زہریلی گیس دی خبراں دی تردید کر دتی۔

اوہناں دا کہنا اے سویابین دی زرعی حیثیت اے، ایہدا کیمیکل نال کوئی تعلق نہیں۔

اوہناں نے جہاز نوں پورٹ قاسم گھلن دی مخالفت کردتی۔