سی پیک دے خلاف اٹھن والی آوازاں کامیاب نہیں ہون گیاں: چینی سفیر یاؤژنگ

اسلام آباد: پاکستان وچ تعینات چینی سفیر یاؤ ژنگ آکھیا اے چین اک معاشی مستحکم پاکستان چاہندا اے۔ پاکستان دی ترقی چین لئی اہم اے۔

سی پیک دے خلاف اٹھن والی آوازاں کامیاب نہیں ہون گیاں۔چین دے سفیر یاؤ ژنگ دا اسلام آباد وچ پاک چین اقتصادی راہداری (سی پیک) سیمینار نال خطاب وچ کہنا سی سی پیک دے تحت ریلوے لنک ودھنے نیں۔

ایس منصوبے دے تحت میگا پراجیکٹ مکمل کیتے گئے جہناں وچوں اک اورنج لائن مکمل ہون نوں اے۔ سفیر یاؤ ژنگ دا کہنا سی مغربی میڈیا سی پیک دے خلاف متحرک اے۔

ایس پروپیگنڈا نوں سی پیک دے مثبت اثرات نال مات ہووے گی۔ پاکستان تے چین نوں پتہ اے سی پیک ایہناں دے عوام لئی کیہ اے۔ چینی سفیر آکھیا پاکستان نوں سستی صنعتی پیداوار دی لوڑ اے۔

سستی بجلی صنعتی پیداوار دی لاگت گھٹ کرن لئی اہم اے۔ سستی صنعتی پیداوار برآمد ہو سکدیاں نیں۔ چین تے پاکستان دا مشترکہ پیداواری گروپ ہائر الیکٹرونکس اے۔

ہائر گروپ نائیجیریا تک پاکستان توں ایکسپورٹ کر رہیا اے۔ اوہناں نے واضح کیتا کرونا وائرس نال سی پیک دے رفتار متاثر نہیں ہووے گی۔ سی پیک بارے مشترکہ ورکنگ گروپ دے اجلاس ویڈیو لنک دے راہیں وی ہو سکدے نیں۔

اپنا تبصرہ گھلو