بلاول صاحب، پاکستان دے عوام باشعور، اپوزیشن دی اصلیت توں بخوبی آگاہ نیں: فردوس عاشق

اسلام آباد: فردوس عاشق نے آکھیا اے بلاول صاحب، پاکستان دے عوام باشعور نیں، اپوزیشن دی اصلیت تے نیت دوواں توں چنگی طرح آگاہ نیں، قوم نوں لٹ کے مال بنان والیاں نوں عوام نے نظراں توں ڈیگیا تے عمران خان نوں دہائیاں توں قوم تے مسلط دو خانداناں دے استحصالی راج توں نجات دا ذریعہ بنایا۔

وزیراعظم دی معاون خصوصی برائے اطلاعات و نشریات فردوس عاشق نے اپنے ٹیوٹ وچ آکھیا بلاول بھٹو دولت لٹن والے خانداناں دے خلاف تحریک چلان پوری قوم تہاڈا ساتھ دیوے گی، بلاول صاحب عوام دا وس چلے تے تھر دے معصوم بالاں دے قاتلاں نوں عبرت دا نشان بنا دین، عوام دا وس چلے تے اوہناں دا مستقبل اوہناں توں کھوہ لین والیاں نوں لوہے دا زیور پوان۔ فردوس عاشق آکھیا وزیراعظم عمران خان دا عوام دے نال احساس تے درد دا رشتہ اے، اوہ ماضی دی حکومتاں دے عوام نوں دتے گئے زخماں تے مرہم رکھ رہے نیں۔

اپنا تبصرہ گھلو