خالد جاوید نوں اٹارنی جنرل لان دا فیصلہ، وزیراعظم دی سمری گھلن دی ہدایت

اسلام آباد: سرکار نے سینئر قنون دان خالد جاوید نوں اٹارنی جنرل تعینات کرن دا فیصلہ کرلیا۔ وزیراعظم نے وزارت قنون نوں تقرری لئی سمری اج وی گھلن دی ہدایت کر دتی۔ وسیلیاں دے مطابق وفاقی وزیر قنون فروغ نسیم آکھیا اے خالد جاوید سرکار نوں درپیش قنونی مسئلیاں دا ادراک نہیں رکھدے۔

ذرائع دا کہنا اے وفاقی کابینہ دا اک طاقتور حلقہ خالد جاوید نوں اٹارنی جنرل بنوان تے بضد اے۔ معاون خصوصی فردوس عاشق اعوان وی نویں اٹارنی جنرل لئی خالد جاوید دے ناں دا اعلان کر چکیاں نیں۔ دوجے پاسے متنازعہ بیان تے سابق اٹارنی جنرل انور منصور نے تحریری معافی نامہ سپریم کورٹ وچ جمع کرا دتا۔ انور منصور آکھیا اے عدلیہ دا بے حد احترام کرنا آں، غیر مشوط معافی منگ کے اپنا بیان واپس لینا آں۔ یاد رہوے خالد جاوید خان ایس توں پہلاں 2018وچ وی اٹارنی جنرل آف پاکستان دے عہدے تے تعینات رہ چکے نیں۔