غزل

بیرا جی

سُتے قومی جذبے نوں بیدار کراں گے
دشمن دی چانگر دے نال ای وار کراں گے
جہڑا ساڈی قوم نوں سکھی ویکھ نہ سکے
وچ میداناں اوہنوں مونہہ دے بھار کراں گے
سارے کم اپنے کمپیوٹر وانگوں کر کے
ایف سولھاں توں ودھ اپنی رفتار کراں گے
جہڑا ایٹم دی طاقت نہیں من دا اوہنوں
اک واری نہیں ہر واری انکار کراں گے
ڈھول وجا کے ایس دھرتی نال وعدہ کریئے
چنگے لوکاں دی پرھیا سرکار کراں گے
سانوں کوئی وکھرا نال ٹرانا چاہوے
پہلاں ویکھاں گے تے فیر اعتبار کراں گے
دھرتی جہڑی غیراں نوں وی سومے ونڈے
ماں ورگا اوس دھرتی دے نال پیار کراں گے
ہتھاں نال ویری دے ہڑھ نوں ڈکا لا کے
فصلاں اگے جذبیاں دی دیوار کراں گے
غزلاں نوں سائنسی قدراں دے نال رلا کے
ادب دا اُچا بیراجی معیار کراں گے