منے پرمنے شاعر قمر ریاض دے اعزاز وچ اِکٹھ

ادبی تے ثقافتی تنظیم وجدان ولوں منے پرمنے شاعر’ سماجی رہنما قمر ریاض دے اعزاز وچ Afohs Clubوچ تقریب تے ظہرانے دا پربندھ کیتا گیا جہدے وچ زندگی دے مختلف شعبیاں نال تعلق رکھن والی نمایاں شخصیات نے رلت کیتی۔ قمر ریاض نے اپنی خوبصورت شاعری سنا کے حاضرین کولوں بے پناہ داد حاصل کیتی۔ مجیب الرحمن شامی، سہیل وڑائچ، شعیب بن عزیز، مدثر اقبال بٹ، منصور آفاق، ڈاکٹر کنول امین، صوفیہ بیدار تے ڈاکٹر صغرا صدف نے قمر ریاض دے فن تے شخصیت بارے اظہار خیال کیتا۔ تقریب وچ رلت کرن والیاں وچ مجیب الرحمن شامی، خالد عباس ڈار، سہیل وڑائچ، شعیب بن عزیز، ہارٹ سرجن ڈاکٹر پرویز چوہدری، منصور آفاق، حماد غزنوی، آصف عفان، وی سی ہوم اکنامکس یونیورسٹی ڈاکٹر کنول امین، صوفیہ بیدار، نازیہ جبین، برگد کی ڈائریکٹر صبیحہ شاہین، شاہد محمود ندیم، مدثر اقبال بٹ، محسن گورایا، عمران شوکت علی، امجد اقبال امجد، پرنس اقبال، جی۔ اے نجم، ربیعہ ڈار، ڈاکٹر صغرا صدف، مرتضی احمد، توقیر احمد تے دوجیاں نے رلت کیتی۔ گل بات تے شاعری دے حوالے نال ایہہ محفل بہت یادگار سی۔