ایف اے ٹی ایف پاکستان دے گرے لسٹ توں نکلن لئی اقدامات تے مطمئن

پیرس: فنانشل ایکشن ٹاسک فورس پاکستان دے گرے لسٹ توں نکلن لئی اقدامات تے مطمئن ، پاکستان نے ایف اے ٹی ایف سفارشات تے عملدرآمد دی بریفنگ پوری کرلئی۔ وسیلیاں دے مطابق پاکستان دا گرے لسٹ وچ برقرار رہن دا امکان اے، سفارشات تے عملدرآمد لئی ہور ویلا دتا جاوے گا، گرے لسٹ توں نکلن لئی کجھ ہور اقدامات کرنے ہون گے، پاکستان نوں گرے لسٹ توں نکلن لئی اکتوبر تک دا ویلا دین دا امکان اے، مرحلہ وار سفارشات تے عملدرآمد دے مواقع دتے جان گے۔

ذرائع ایف اے ٹی ایف دے مطابق پاکستان نے ایف اے ٹی ایف اہداف لئی موثر قنون سازی کیتی اے۔ پاکستان نوں منی لانڈرنگ قوانین تے عملدرآمد یقینی بنان ہووے گا، نیکٹا نوں صوبائی سطح تے فلاحی اداریاں دی پوری سکروٹنی یقینی بنانا ہووے گی۔ سفارشات تے عملدرآمد تے اقدامات تے فیٹف ممبر ملکاں نے پاکستان نوں سراہیا۔