پاکستان اک ہزار ارب دی معیشت بنن دی صلاحیت رکھدا اے: زبیر محمود حیات

کراچی: جنرل (ر) زبیر محمود حیات آکھیا اے پاکستان 1000ارب روپے دی معیشت بنن دی صلاحیت رکھدا اے۔ جنرل (ر) زبیر محمود حیات نے کراچی وچ سی ای او سمٹ دے افتتاحی سیشن نال خطاب کردیاں آکھیا پاکستان واسٹیٹ تے نان اسٹیٹ دا فرق ختم کرنا ہووے گا، اپنی طرز فکر نوں تبدیل تے سوچ نوں وڈا کرکے پاکستان نوں پائیدار ترقی دی راہ تے گامزن کیتا جا سکدا اے۔

پاکستان 1000ارب روپے دی معیشت بنن دی صلاحیت رکھدا اے نجی شعبہ باصلاحیت نوجواناں دی سرپرستی کرے۔ جنرل زبیر محمود حیات نے آکھیا لیڈر شپ دی صلاحیتاں مشکل ویلے ساہمنے آندیاں نیں۔ پاکستان نے ہمیشہ چیلنجز وچ اپنے آپ نوں بہتر بنایا۔ پاکستان دے سٹرٹیجک فیصلیاں دے اثرات خطے تے وی مرتب ہوئے۔

پاکستان دی مجموعی پیداوار خواتین دی شمولیت نال 3توں 5فیصد ودھائی جا سکدی اے۔ پاکستانی نوجوان آن لائن گیمز وچ جاپان امریکا روس دے نال مقابلہ کر رہے نیں۔ پاکستانی معاشرہ مجموعی طور تے ایماندار اے، دنیا وچ پاکستان بینڈ پائپ بنان والا دوجا وڈا ملک اے۔ فلاحی کماں وچ پاکستان دا معاشرہ سب توں اگے اے۔