نعلین پاک

عبدالحمید نظامی

قاعدہ عشق کتاب دا نعلین توں کر شروع
صفر توں سفر حساب دا نعلین توں کر شروع
جے الف نوں پڑھنا چاہویں عشق نوں رکھ استاد
فیر جلوہ بے حجاب دا نعلین توں کر شروع
ارباں ضرب کھرباں دی کر گنتی شکر جواب
کم ویکھیں لا جواب دا نعلین توں کر شروع
ولیاں تے جیکر لکھت توں لکھنی چاہنا ایں
توں رستہ ادب آداب دا نعلین توں کر شروع
ہو جاسیں مستی وچ توں مرشد جام جے دتا
بھرن لئی گھٹ شراب دا نعلین توں کر شروع
پائونی ایں نظامی جیکر وچ کُلّی طیبہ توں
ہر کم سنت اصحاب دا نعلین توں کر شروع