میوزیکل پروگرام ”شام فیروز” دی تقریب
پنجاب انسٹیٹیوٹ آف لینگوئج’ آرٹ اینڈ کلچر (پلاک) تے الفیروز میوزک انسٹیٹیوٹ دے اشتراک نال ماسٹر فیروز دین (گوالیار گھرانہ) دی برسی دے موقع تے اوہناں دے فن نوں خراج تحسین پیش کرن لئی اک میوزیکل پروگرام ”شام فیروز” دا پربندھ کیتا گیا جہدی صدارت ذوالفقار علی عطرے تے استاد مظہر شگن نے کیتی جد کہ ملک سجاد علوی نے بطور اچیجے پروہنے رلت کیتی۔ مہمانان اعزاز وچ بشارت بٹ’ اعتبار ساجد’ ملک ایم رفیق’ ڈاکٹر اسلم’ ندیم بٹ تے دوجے شامل سن۔
ایس پروگرام وچ ماسٹر فیروز دین دے پتر استاد طاہر اقبال نے اچیچے طور تے پرفارم کیتا جد کہ دوجے گلوکاراں وچ جہانزیب طاہر، ملک علی احسن، حمیرا خان، علی خان، شاہین، زرلش رباب، انجم مرزا، اختر بٹ، نعمان علی، بابا بھولا بھائی، حمزہ ناصر، عقیل طاہر، علی بخش تے دوجے شامل سن۔ فنکاراں نے صوفیانہ کلام دے علاوہ فوک تے کلاسیکل گانے پیش کر کے حاضرین کولوں بھرواں داد حاصل کیتی۔
