وزیراعظم نے چینی دی قیمتاں وچ وادھے تے تحقیقاتی کمیٹی تشکیل دے دتی

اسلام آباد: وزیراعظم عمران خان نے چینی دی قیمتاں وچ وادھے دے حوالے نال حقائق جانن لئی ڈی جی ایف آئی اے دی سربراہی وچ اعلیٰ سطح دی انکوائری کمیٹی تشکیل دے دتی۔ کمیٹی وچ ڈائریکٹر جنرل ایف آئی اے، ڈائریکٹر جنرل اینٹی کرپشن پنجاب تے انٹیلی جنس بیورو دا گریڈ 20یاں 21دا افسر شامل ہووے گا۔ ڈی جی ایف آئی اے بطور کنوینر کسے وی ممبر نوں کمیٹی وچ شامل کرن دا مجاز ہووے گا۔

وسیلیاں دے مطابق انکوائری کمیٹی نوں وزیراعظم آفس ولوں اک درجن توں ودھ سوالات گھل دتے ئے نیں، کمیٹی نوں ہدایت کیتی گئی اوہ ایس گل دا تعین کرے کہ معاملے وچ کہڑے کہڑے عناصر ملوث نیں جد کہ ایس گل دا جائزہ لیا جاوے کہ چینی دی قیمتاں نوں قابو وچ رکھن لئی مقامی انتظامیہ تے حکومتی اداریاں نے کیہ حفاظتی تے پیشگی اقدامات کیتے۔