آزادی مشاعرہ برائے خواتین

پنجاب انسٹیٹیوٹ آف لینگوئج’ آرٹ اینڈ کلچر (پلاک)’ محکمہ اطلاعات و ثقافت پنجاب دے پربندھ ہیٹھ 75ویں یوم آزادی دے موقعے تے ”آزادی مشاعرہ برائے خواتین” دا پربندھ کیتا گیا جہدی صدارت نامور شاعرہ رخشندہ نوید نے کیتی۔ دوجی شاعراں وچ پروین سجل، منور سلطانہ بٹ، حمیدہ شاہین، شگفتہ نسرین، صوفیہ بیدار تے تحسین اختر شامل سن۔مشاعرے دی نظامت حبیبہ شہزادی نے کیتی۔
ڈائریکٹر پروگرام خاقان حیدر غازی نے سارے شاعریاں نوں خوش آمدید آکھیا۔ شاعراں نے اپنے وطن عزیز نال محبت دا اظہار شعراں دی صورت وچ کیتا تے ایس گل دا اعادہ کیتا کہ اسیں اپنے ملک لئی کسے وی قربانی توں دریغ نہیں کراں گے۔ قوماں دی زندگی وچ مشکلاں آندی رہندیاں نیں۔ جے جذبے جواں ہون تے دنیا دی کوئی طاقت وی اگے ودھن توں نہیں روک سکدی۔ ہمیشہ اوکھے ویلے کامیاب تے طاقتور انساناں نوں جنم دیندا اے۔ ایہناں مشکل حالات وچ ایسے جوش و جذبے دی لوڑ اے جہدے تحت ساڈے آبائو اجداد نے ایہہ مملکت خداداد حاصل کیتی۔