نہ میں پڑھیا

لکھویندر سنگھ لکھا سلیم پوری

نہ میں بید کتیب پڑھے نیں، نہ گیتا قرآن
فیر کیوں جی خود نوں سمجھاں میں وڈا وِدوان
کدے محمد قادر ہاشم پیلو نہ میں پڑھیا
فیر وی دیکھو میں ہاں لیکھک نام وراں وِچ کھڑیا
میں نہ پڑھیا بلھا باہو نہ نجمی نہ پاتر
فیر کیوں ناں ورت انہاں دا بناں دوستو چاتر
اپنے دم تے ہی بس لِکھیو نہیں کِسے نوں پڑھ کے
مالک خود لِکھواندا یارو سِر اتے ہتھ دھر کے
ہنر حسن دا مان کرو نہ ہے ڈاڈھے دیاں مِہراں
ہونیاں تد جد میں میں چھڈ کے جپیا تیرا ہی تیرا
گرو گرنتھ سدا ہاں پڑھدا جِس توں سوجھی مِلدی
بابا نانک پیارا آس پگاوے میرے دِل دی
نہ بدھی نہ محل منارے نہ دھن میرے پلّے
سمجھ نہ آوے کی کن جگ تے ہوئی بلّے بلّے
امرتسر ول جاندے راہیو ڈاڈھے نے لِکھوایا
ککھاں وِچ رُلدے لکھے نوں عرشاں تیک پہنچایا