فضائل نعلین پاک

عبد الحمید نظامی

میں ویکھے بڑے فضائل نعلین مبارک دے
ہتھ بنھ کھڑے نے سائل نعلین مبارک دے
کوئی کنج انکار کرے گا نعلین مبارک دا
کوئی منگے کویں دلائل نعلین مبارک دے
دیدار یقین تو کیتا جد مست ملنگاں نے
ہوئے دلوں بجانوں گھائل نعلین مبارک دے
نعلین پاک دی خاک نوں ترسن ولی پیغمبر
تک کتھوں تیک وسائل نعلین مبارک دے
سب سفر مصیبتاں ساڈے رب ختم ہی کر چھڈے
اسیں جددے ہوئے مائل نعلین مبارک دے
اک میں نہیں لکھن لگا ایتھے جید عالماں نے
لکھے نے بڑے رسائل نعلین مبارک دے
جد شرف فضیلت والا جام نظامی ملیا
اودوں دے ہو گئے قائل نعلین مبارک دے