نعت شریف
علی احمد گجراتی
دوواں جہاناں تے ویکھو سردار میرا نبیۖ اے
اُمت دا اپنی ہمیشہ غمخوار میرا نبیۖ اے
سارے زمانے چوں میرے آقاۖ ہنیرے مکائے
چانن دا ایسا جہاں تے مینار میرا نبیۖ اے
قرآن پڑھ سُنایا قرآن بن کے وکھایا
اخلاق دی روشنی تے مہکار میرا نبیۖ اے
چُھپیا خزانہ سی بے شک سارے جہاناں توں اللہ
سارے جہاناں تے اُس دا اظہار میرا نبیۖ اے
عظمت میرے مصطفیۖ دی سارے جہاناں تے وَکھری
احمد سبھی انبیاء دا سالار میرا نبیۖ اے
Load/Hide Comments
