پنجابی ادبی سانجھ کنگن پور دے پربندھ ہیٹھ محفلِ مسالمہ

پنجابی ادبی سانجھ کنگن پور دے پربندھ ہیٹھ محفل مسالمہ دا آہر کیتا گیا جس دی صدارت سید فیض احمد مجتبا شیرازی ، نظامت جناب فیصل انمول ہوراں کیتی ۔ جناب ذیشان حیدر، جناب آصف سلطانی، جناب ساجد قادری، جناب علی مصطفے حیدری ہوراں منقبت امام عالی مقام سنائی۔ شاعراں وچوں جناب جاوید ساحر، جناب اویس صدیق، جناب حیدر نقوی، جناب وزیر راجہ، جناب چوہدری امجد حبیب ، جناب طلعت رضوی، جناب اکرم ریحان تے جناب وحید رضا ہوراں اپنے شعراں راہیں عقیدت دے پھل نچھاور کیتے ۔ جناب علامہ محمد عمران حیدری تے سید فیض احمد فیضی جی ہوراں فلسفہ شہادت امام حسین علیہ السلام تے تفصیلی گل بات کیتی۔آخر وچ پنجابی ادبی سانجھ دے آگو جاوید ساحر نے لنگر پانی دا اہتمام کیتا تے آئے سارے دوستاں دا شکریہ وی ادا کیتا ۔