نیب عدالتاں وچ ثبوت پیش کرن دے بجائے مفرور اے: مریم اورنگزیب
لہور: مسلم لیگ (ن) دی ترجمان مریم اورنگزیب آکھیا نیب عدالتاں وچ ثبوت پیش کرن دے بجائے مفرور اے۔ اخلاص تے ایمانداری نال پاکستان دی خدمت کرن والیاں نوں سزائے موت دی چکیاں وچ بند کرنا ظلم اے۔ اپنے بیان وچ مریم اورنگزیب آکھیا شاہد خاقان عباسی تے احسن اقبال دی ضمانتاں دے معاملے وچ نیب مجرمانہ تاخیر دا دانستہ رویہ اپنائے ہوئے اے، نیب دے وکیل دا عدالت وچ پیش نہ ہونا نیب نیازی گھٹ جوڑ دا ثبوت اے۔ مریم اورنگزیب دا ہور کہنا سی قوم سوال پچھ رہی اے کہ اوہ ثبوت کتھے نیں، کیوں عدالتاں وچ پیش نہیں کیتے جا رہے، آس اے بے گناہواں نوں اوہناں دا حق ملے گا۔
