رُت
بھپندر پنیوالیا
کِتھے گئی رُت پِیارا والی
اِک دُوجے توں پُچھدے لوک
کیوں وگے ہنیری تلواراں والی
اِک دُوجے توں پُچھدے لوک
ایہہ نفرت دی گل کیہ نے چھیڑی
کیوں بیٹھے لوکی آپنے بُوہے بھیڑی
کِدھر گئی رونق بازاراں والی
اِک دُوجے توں پُچھدے لوک
پنج آب چ کنہے زہر رلایا
بھرا نوں بھرا نال کیہنے ہے لڑایا
ہو گئی سکھنی محفل یاراں والی
اِک دُوجے توں پُچھدے لوک
کِس سیاست نے ایہہ پائے پُوآڑے
سِدھے پدھرے لیکھ ساڈے ہو گئے ماڑے
پت جھڑ کھا گئی رُت بہاراں والی
منُکھتا دا گھان کدوں تک ہونا اے
ماواں، دِھیاں، بھیناں کدوں تک رونا اے
کدوں بُجھے گی اگ انگیاراں والی
اِک دُوجے توں پُچھدے لوک
کِتھے گئی رُت پیاراں والی
اِک دُوجے توں پُچھدے لوک
