پنجابی سوشل موومنٹ ولوں مدثر اقبال بٹ دی ورھے گنڈھ دا جشن

پنجابی سوشل موومنٹ ولوں چیئرمین پنجابی میڈیا گروپ مدثر اقبال بٹ ہوراں دی سالگرہ دا اچیچا آہر کیتا گیا۔چیئرمین پنجابی سوشل موومنٹ محمد ظاہر بھٹی نے کہیا کہ فخر پنجاب مدثر اقبال بٹ ورگے سورمے گھٹ ای جمدے نیں۔ مدثراقبال بٹ نے ہمیش پنجابی واسطے میدان وچ آ کے مقابلہ کیتا۔ اوہناں نوں پوری دنیادے قوم پرست سالگرہ دیا ںودھائیاں دیندے نیں ۔
چیئرمین پنجابی پنجابی میڈیا گروپ مدثر اقبال بٹ اوہ مہان ہستی اے جس توں باطل دیاں صفاں کنبدیاں نیں اوہناں نے صحافت نوں خدمت بنا دتا ۔ تے ماں بولی پنجابی دی سیوا واسطے پنجابی صحافت وچ اوہ کارنامے سرانجام دتے کہ دنیا دنگ رہ گئی۔ مدثر اقبال بٹ چٹی دلالی بلیک میلنگ بھتہ خوراں واسطے تے خوف دی علامت ہندا ای سی پر اوہ پنجاب دشمناں واسطے تے قہر ثابت ہویا اے اوہناں دی ایس دلیری دی وجہ توں ای پوری دنیا دے قوم پرست اوہناں نوں اپنامرشد من دے نیں تے اوہناں دی سالگرہ تے دعاگو نیں کہ اوہ صدیاں تیک جیوندے رہن ۔
بابا علی وارث بے دھیانہ نے کہیا کہ مدثر اقبال بٹ نے ہمیش پنجاب تے پنجابیت واسطے کم کیتا تے اپنی حیاتی ایس وڈے مشن نوںدان کر دتی اوہناں دیاں خدمات نوں سلام پیش کرن اسیں اوہناں دی سالگرہ دے اکٹھ وچ قصور توں آئے آں
احمد اقبال بزمی نے دسیا کہ جدوں وی جس ویلے وی پنجابی سیوا واسطے کسے نوجوان بزرگ دی لوڑ پئی مدثر بٹ اوتھے پہنچ گئے پنجابی زبان واسطے اوہناں دیاں خدمات دا مقابلہ کوئی لکھاری شاعر محقق یاپروفیسر نہیں کر سکدا۔
ایڈیٹرروزوار پنجابی زبان میاں آصف علی نے کہیا کہ پنجابی سوشل موومنٹ ولوں مدثراقبال بٹ دی سالگرہ منانا صرف اک اکٹھ ہی نہیں بلکہ تاریخ ساز گھڑی اے کیونکہ چیئرمین پنجابی سوشل موومنٹ محمد ظاہر بھٹی دا ہتھ زمانے دی نبض تے آ ۔ اوہ جوہری وانگ ہیرے بندے دی پچھان کرنا جان دے نیں۔اخیر تے کیک وی کٹیا گئیا۔