پاکستانی طلباء نوں کرونا وائرس پھیلن توں بچان لئی روکیا: چینی سفارتخانہ
اسلام آباد: چین نے آکھیا اے کرونا وائرس نوں پھیلن توں روکن لئی پاکستانی طلباء نوں روکیا گیا، اوہناں دا اپنے عوام توں ودھ کے خیال رکھ رہے نیں۔
پاکستان وچ چین دے سفارتخانے ولوں بیان وچ آکھیا گیا اے ووہان وچ پاکستانی طلباء نوں درپیش وقتی مشکلات نوں سمجھنے آں، پاکستانی طلبہ نوں روکن دا مقصد وبا نوں پھیلن توں روکنا اے، پاکستانی طلبہ دی اپنے عوام توں ودھ کے دیکھ بھال کر رہے نیں، پاکستانی طلبہ دے والدین نوں ہر قسم دی حفاظت دا یقین دوانے آں۔
وسیلیاں دے مطابق سفارتخانے دا ہور کہنا اے پاکستانی طلبا چین وچ اپنی پڑھائی وی پوری کر سکن گے۔
