نظم

افضل ساحر

پیڑاں وکنے آئیاں
سجن جی پیڑاں وکنے آئیاں
کسے نا ہس کرائی بوہنی
کسے نا جھولی پائیاں
عْمروں لمے آس دے پینڈے
اسیں وچوں دی ہوئے
پباں ہیٹھاں چیکن ساہواں
سگنے وی ادھ موئے
جْسے ات پریناں وجیاں
کسے نا ملمھاں لائیاں
سجن جی پیڑاں وکنے آئیاں
نِج سمے دی ہر مھاتڑ دی
بْلھڑی اکھڑی سیتی
اوہدی پیڑ ونڈان دی تھاں
ہور ودھیری کیتی
اوہ وی مگروں لاہ کے ٹْر گئے
جہناں دتیاں سائیاں
سجن جی پیڑاں وکنے آئیاں
ساویاں رتاں ورگے سفنے
چیکاں دے وچ گْنھے
شہر نیں جیکن پکیاں تھاواں
پنڈاں دے پنڈ سْنے
لاشاں تے دفناندے سْنیاں
روحاں کس دفنائیاں
سجن جی پیڑاں وکنے آئیاں