جہلم: جائیداد تنازع تے مترئے پتر دی فائرنگ، ماں چار بالاں سنے جاں بحق
جہلم: جہلم وچ مترئے پتر نے جائیداد دے تنازع تے ماں سنے پنج بندیاں نوں قتل کر دتا۔ تفصیلات دے مطابق جائیداد دے تنازع تے مترئے پتر نے میرپور توں دینہ آن والی فیملی دی گڈی تے فائرنگ کیتی، فائرنگ دی زد وچ آ کے پنج بندے زندگی دی بازی ہار گئے، جاں بحق ہون والیاں وچ چار بچے تے اک عورت شامل اے۔
پلس دا کہنا اے ایہ واقعہ تھانہ منگلا دے علاقہ آڑہ بڈھار وچ پیش آیا، ملزم واقعے دے بعد موقع واردات توں فرار ہو گیا اے۔ جاں بحق تے زخمیاں نوں ڈی ایچ کیو ہسپتال منتقل کر دتا گیا اے۔ ملزم دے پیو دا کہنا اے میرے پتر نے جائیداد دے تنازع تے فائرنگ کرکے مترئی ماں تے چار بالاں نوں قتل کیتا۔
