تسلی
سلطان کھاروی
کہیا ہوویں نہ اُکّا اُداس بچی تینوں اپنے کول بلاوساں میں
یاد رکھ لئیں ایہو ای قول میرا تینوں دلوں نہ کدی بھلاوساں میں
تُوں تے جاننی ایں گلاں میریاں نوں جو وی کہواں گا توڑ نبھاوساں میں
لہوے تاپ بس اینی کو دیر باقی تیری دید دی پیاس بجھاوساں میں
تیرے باجھ تے میں وی اُداس رہنا، کوئی شتر سوار دڑاوساں میں
لین آوے گا اکبر ضرور تینوں اوہنوں پرت مدینے گھلاوساں میں
رکھ حوصلا میریاں وعدیاں تے کیتے قول ایہ خوب پگاوساں میں
چنگا رب راکھا میرے کھاوری او !ہے وے آس مدینے نوں آوساں میں
