ٹینو شرما نال اُچیچی گل بات

دنیا تے کجھ لوگ ایسے وی ہندے نیں جنہاں نوں رب نے بے شمار خوبیاں نال نوازیا ہندا اے۔اج جس شخصیت بارے گل بات کررہیا اوہ اداکار،ڈائریکٹر تے مشہور ٹی وی ہوسٹ ٹینو شرما نیں۔ٹینوشرما نے اپنے کرئیر دا آغاز تھیٹر توں کیتا تے تھیٹر کردے کردے اوہناں نوں فلم تے سینما وچ بھی کم کرن دا موقع ملیا تے ہن تک کئی وڈے پراجیکٹاں وچ ڈائریکشن وی دے چکے نیں۔شروع وچ اوہناں نوں بڑی مشکلاں ہندیاں سی پر اج اوہ وکھ وکھ فیلڈاں وچ کامیاب ہوچکے نیں۔ اوہناں نے گل کیتے دسیا کہ VIP MOTION PICTURESجوکہ چڑھدے پنجاب دی اک وڈی پروڈکشن اے تے ایس پروڈکشن تے اوہناں دے ڈائریکٹر وقاص پراشر دی ہمیشہ احسان مند آں جنہاں نے مینوں وڈا پلیٹ فارم دتا تے پوری دنیا وچ میری پہچان بنائی۔ٹینو شرما بالی ووڈ اداکار رشی کپور،گرداس مان،ستیندر سرتاج،جسبیر جسی،ماسٹر سلیم،ہنس راج ہنس تے نوراں سسٹرز سنے کئی نامور فنکاراں دے انٹرویو کرچکیاں نیں۔اوہناں نیں دسیا کہ گرداس مان تے رشی کپور دا انٹرویو میری زندگی دے یادگار انٹرویو نیں۔اوہناں دا کہنا اے کہ کسی وی کلاکار دی کوئی حد نئیں ہندا تے اک کلاکار نوں سب کجھ کرنا چاہیدا اے،ہر چیز دا اک الگ سواد اے۔چڑھدے پنجاب وچ سکھ گرواں تے اک بہت وڈا میوزیم ہے جس دی گیارہ گیلریاں نیں ایس گیلری دے آڈیو دا کم وی ٹینو شرما دی پروڈکشن کول اے جس وچ راحت فتح علی خان،دلجان،کیلاش کھر سنے دنیا دے نامور فنکاراں دی آواز سنن نوں ملے گی تے ایہناں آوازاں وچ کلی کڑی دی آواز وی ٹینو شرما دی ہووے جیہڑی اوہناں دے کہنا اے کہ میرے واسطے وڈے مان دی گل اے۔لہندے پنجاب دے حوالے نال اوہناں نیں دسیا کہ اک فلم وچ لہندے پنجاب دے لوک فنکار فضل جٹ دی ماں توں بغیر مکمل نئیں ہندی سی اسی ویڈیو کال دے راہیں اوہناں کولوں مدد لے رہے آں تے ایہ فلم وی تہانوں جلد ویکھن نوں ملے گی۔ٹینوشرما نیں دسیا کہ پاکستانی فنکار سائیں ظہور،شوکت علی،نور جہاں نوں اوہ بوہت شوق نال سندے نیں۔ اوہناں دا کہنا اے پیار محبت تے امن سدا قائم رہنا چاہیدا اے سدا سانجھ رہوے گی۔