غزل
نور محمد نور
شودھو اس نوں ہیٹھاں دھر کے رندے دے
بندہ کم نہیں جو آؤندا بندے دے
ڈھڈّ بھرن نوں جہڑا روٹی دیوے نہ
گولی مارو ایسے لنگڑے دھندے دے
اک مدت محفل وچ ہیکاں لائیاں نیں
کیہ ہویا دن آ پہنچے نے مندے دے
الٹ پلٹ کے دیکھ لوو اس نوں شاید
سجناں دا خط ہووے وچ پلندے دے
کھل جاوے گا آپے تالا چپاں دا،
چابی میچ جدوں وی آئی جندے دے
جال وچھا کے زلفاں دا جو تریا سی
آپے الجھ گیا وچ اپنے پھندے دے
اپنی عزت اپنے ہتھیں سانبھو نور
چھیڑ کرن تے چھٹے پیندے گندے دے
