غزل
بابا نجمی
بے غرضاں تے وسن والا مینوں چنگا لگدا نہیں
مجبوراںتے ہسن والا مینوں چنگا لگدا نہیں
سورج وانگ جگا کے ساڈے میں آں راضی اوہدے تے
سُتے پئے نوں ڈسن والا مینوں چنگا لگدا نہیں
سورج ورگے انکھی اکھر توں ای مینوں دتے نیں
آسریاں تے وسن والا مینوں چنگا لگدا نہیں
جہڑی گل کرن میں لگاں سن لیے سجن دشمن وی
وچ میدانوں نسن والا مینوں چنگا لگدا نہیں
ہتھ میں اوہدے چُماں جہڑا خالی ٹھوٹھے بھردا اے
حق کسے کھسن والا مینوں چنگا لگدا نہیں
